Үшінші облыстық слет

2019 жылдың 6-7 қыркүйегінде "Парус " балалар сауықтыру орталығы базасында "Адал Ұрпақ " ерікті мектеп клубтарының ІІІ облыстық слеті өтті.

Слет мақсаты: жас ұрпаққа қазақстандық патриотизмді тәрбиелеу, адамгершілгі жоғары, жауапты, бастамашылық және әлеуметтік құзыретті азамат пен патриот қалыптастыру және дамыту.

Слеттің ұйымдастырушылары "Aqmola connect" қоғамдық бірлестігі болды.

Семинарға Ақмола облысының аудан - қалаларынан мектеп оқушылары, "Адал ұрпақ" ерікті мектеп клубтарының қатысушылары, "Адал ұрпақ" мектеп клубтарының аудандық/қалалық ассоциацияларының педагог-басшылары, Ақмола облысы бойынша Сыбайлас жемқорлыққа қарсы пікір өкілдері, білім беру, ішкі саясат басқармасының өкілдері қатысты.

Слетке Ақмола облысының аудандары мен қалаларынан 19 делегация келді. Әр өңірден бес қатысушы және басшы жіберілді . Жақсы ауданының делегациясын "№1 Жақсы орта мектебі" КММ үгіт бригадасы құрады, құрамында Қожахметова Әйгерім, Ризабек Дидар, Қуаныш Әліби, Куйшугулова Мариям және Жалбыр Арайлым.

Слеттің алғашқы минутынан бастап ұйымдастырушылардың іс-шара жоспарын мұқият ойластырғандарын көруге болады. Бірінші күні "АДАЛ ҰРПАҚ - 2019"ерікті мектеп клубтарының ІІІ облыстық слетінің салтанатты ашылуы өтті.

"Жарқын болашақ " би марафоны облыстың барлық мектептерінде адалдық пен парасаттылық мектептерінің ашылуын қолдау мақсатында өтті. "Адал жол" қызықты квест-ойыны өткізілді. Түстен кейін оқушылар ерікті мектеп клубтарының үгіт бригадаларының таныстыру-конкурсына қатысты. Сонымен қатар балалармен тренингтер мен шебер сыныптар өткізілді. Қатысқан тәлімгерлер балалармен белсенді жұмыс жүргізді. Сонымен қатар оқушылар үшін "АДАЛ ҰРПАҚ-2019" спорттық - ойын бағдарламасы өткізілді. Слет салтанатты жабумен аяқталды, онда дипломдар мен бағалы сыйлықтар берілді . Біздің команда спорттық-ойын бағдарламасында екінші орынға ие болды.

Жетекші: Саржанова К.С.