2024 жылғы 11 желтоқсанда «Жақсы ауылының №2 жалпы орта білім беретін мектебі» КММ-де «Балалардың әл-ауқаты мен қауіпсіздігі: ата-ана мен мектептің ортақ жауапкершілігі» тақырыбында аудандық жалпы ата-аналар жиналысы өтті.

2024 жылғы 11 желтоқсанда «Жақсы ауылының №2 жалпы орта білім беретін мектебі» КММ-де «Балалардың әл-ауқаты мен қауіпсіздігі: ата-ана мен мектептің ортақ жауапкершілігі» тақырыбында аудандық жалпы ата-аналар жиналысы өтті.
Жақсы ауданы бойынша білім бөлімінің басшысы Кадырова Гульмар Ергалиевна балалар тәрбиесіне ата-аналарды ерекше көңіл бөлуге шақырды және ата-ана мен мектептің ынтымақтастығын арттыру, ата-аналар комитеттерінің рөлін нығайтудың маңыздылығын атап өтті.
Балалардың қауіпсіздігі – ата-аналардың, мүғалімдердің, қоғамның басты міндеті. Тәрбие отбасынан қалыптасады.
Өскелең жас ұрпақты рухани-адамгершілік қасиетке баулу, тәрбиелеу – барлық кезеңде де өзекті. Біздің келешегіміз – жас ұрпақ, ал ұрпақ тәрбиесі адамзаттың мәңгілік тақырыбы. «Ел боламын десең, бесігіңді түзе» дейді қазақ халқы. Олай болса,ел ертеңі болар бүгінгі балалар мен жасөспірімдерді тәрбиелеу, әлеуметтік тұрғыдан барынша қамтамасыз ету, толыққанды білім алуына жағдай жасау, олардың құқықтары мен заңды мүдделерін қорғау қазақ елінің ұлттық саясатының басты бағыттарының бірі.
Тәрбие мен оқыту өзара тығыз байланысты, бір бірінен бөліп алуға болмайтын біртұтас процесс.
Өткен жылдан бастап, барлық білім беру ұйымдарында «Біртұтас тәрбие» бағдарламасы енгізіліп, оның аясында балаларды тәрбиелеуде  ата-аналардың  психологиялық - педагогикалық  және әлеуметтік  құзыреттілігін арттыруға, позитивті ата-ана мәдениетін қалыптастыруға бағытталғанын Гульмар Ергалиевна Кадырова атап өтті.