2024 жылғы 04 желтоқсанда Астана қаласы және Ақмола облысы білім беру қызметкерлері кәсіподағының төрағасы Б. Қ. Әбдірахмановтың қатысуымен Жақсы ауылының №1 жалпы білім беретін мектебінің базасында

2024 жылғы 04 желтоқсанда Жақсы ауылының №1 жалпы білім беретін мектебінің базасында Астана қаласы және Ақмола облысы білім беру қызметкерлері кәсіподағының төрағасы Б.қ. Абдрахмановтың , Жақсы ауданы әкімінің орынбасары О. А. Абжановтың, сондай-ақ аудандық білім бөлімінің меңгерушісі Г. Е. Қадырованың қатысуымен мектеп директорларымен және бастауыш кәсіподақ ұйымының төрағаларымен жиналыс өткізілді. 
Әлеуметтік әріптестікті дамыту және әлеуметтік-еңбек қатынастарын реттеу, еңбекті қорғау және қауіпсіздік техникасы бөлігінде еңбек заңнамасын сақтау жағдайы, өндірістегі жазатайым оқиғалардың алдын алу, оларға кәсіподақтардың қатысуы және т.б. тақырыптар қозғалды. Қазақстан Республикасы Еңбек кодексінің нормаларын іс жүзінде қолдану талқыланды. Сондай-ақ, ҚР Еңбек кодексінің баптары негізінде мектептер мен мұғалімдерді әлеуметтік қорғау мәселелерінде ұжымдық шарттар жасасу кезінде ауыл әкімдерімен, бастауыш кәсіподақ ұйымдарымен және әлеуметтік ұйымдармен әріптестік жолға қойылатыны атап өтілді.