Ақмола облысы білім басқармасының алқа отырысы өткізілді

2025 жылдың 20 ақпан күні Көкшетау қаласында облыс әкімінің орынбасары Досұлан Айтбаевтің қатысуымен «Ақмола облысы білім басқармасының 2024 жылғы қызметінің қорытындылары және 2025 жылға арналған міндеттері туралы» Ақмола облысы білім басқармасының алқа отырысы ұйымдастырылды.

Іс-шараға Ақмола облысы білім басқармасының басшысы Айнагүл Қыдырбайқызы, білім басқармасы басшысының орынбасарлары мен бөлім басшылары, аудандардың (қалалардың) білім бөлімдерінің басшылары, аудандардың (қалалардың) білім бөлімдерінің әдістемелік кабинеттерінің меңгерушілері, білім басқармасының білім беру ұйымдарының басшылары, мектептердің директорлар кеңесінің төрағалары, мектепке дейінгі білім беру ұйымдарының басшылары, бас мамандар қатысты.

Отырыс барысында «Ақмола облысы білім басқармасының 2024 жылғы қызметінің қорытындылары және 2025 жылға арналған міндеттері туралы» А. Қ. Балташева; «Техникалық және кәсіптік білім беру ұйымдарының 2024 жылғы жұмыс қорытындылары және жұмысшы кәсіптер жылы шеңберіндегі міндеттер туралы» В.Г. Гамазов; «Кәмелетке толмағандардың арасындағы құқықбұзушылықтың алдын алу» М.Б. Ли;«Педагогтердің кәсіби дамуын қамтамасыз етуде әдістемелік сүйемелдеудің басым бағыттары» Л. С.Құрманғалиева және т.б. мамандар баяндама жасады.

Іс- шара соңында сұрақ-жауап, диалог алаңы және алқа қаулысының жобасын талқылау ұйымдастырылды.