«Батаменен ел көгерер» бата сайысы

Бата – қазақтың ертеден келе жатқан ұлттық дәстүрлерінің бірі. Бата, тілек ақ дастархан басында, түрлі тойларда, жақсылықтарда айтылады.. Қазақта батаны көбінесе келешегі алда жас өспірімдер сұрайды. Жақсылардың, көп жасағандардың, киелілердің, аузы дуалылардың батасын алуды жақсылыққа санап, ырымдайтындар ертеде осындай адамдарға алыста болса да арнайы жіберетін болған. 
Дәл осындай мақсатта Ұлыстың Ұлы күні әз-Наурыз мерекесі қарсаңында  Жақсы ауылының №1 жалпы орта білім беретін мектебінде білім бөлімінің ұйымдастыруымен  «Батаменен ел көгерер» атты мектеп оқушылары мен ата-әжелері, әкелері арасында бата сайысы өтті. Ауыл ақсақалдарынан, ақ жаулықты аналарымыздан  жиналған көпшілік бата алып, керемет іс-шарадан ерекше әсер алды.
«Батаменен ел көгерер»  бата сайсына Жақсы ауылының ақсақалдары, бата майталмандары, ақ жаулықты әжелеріміз «Әжелер клубы» мүшелері шақырылды.
Бата сайысы – үш кезеңде өтті.
I кезең – Наурыз мерекесінде берілетін бата. Бұл кезеңде сайысқа қатысушылар алдымен өздерін таныстырып өтіп, содан кейін барып, баталарын айтты,
II кезең – Елге, көпшілікке  арнаған бата.
III кезең – Келешек ұрпаққа арналған бата
Барлық кезеңде де регламент 5 минутты құрады.
Бата сайысының мақсаты-өскелең ұрпаққа халық даналығын дәріптеу, үлкенге-құрмет, кішіге-ізет көрсетуге тәрбиелеу, батаның ұлылығын түсіндіру.
Міндеттері:ата мен бала, әке мен бала, әже мен бала қарым – қатынасын нығайту;
Атадан балаға мұра болып келе жатқан қазақ халқының салт-дәстүрін жаңғырту;
Аталы сөздердің мағынасын терең ұғындыру;
Келешек ұрпаққа рухани байлығымызды насихаттау.
Сайысымызға білім беру ұйымдарынан 8 қатысушы қатысты.
Бата сайысының қорытындысы бойынша
Бас жүлдені - Қайыргелді Мұхит анасы Досмагамбетова Кумысжан Аскаровна – Лозовое ауылының ЖОББМ;
I – орынды - Амангелді Арнұр Дулатұлы әкесі Сыздыков Дулат Амангельдинович -Запорожье ауылының ЖОББМ;
II – орынды - Кабиден Айзере әжесі Кушекпаева Бибинур Назымбековна– Қ.Өскенбаев атындағы Қима ауылының ЖОББМ;
III – орынды - Кәрімжан Ұлан Еркебұланұлы әкесі Мажитов Еркебұлан Каримжанович -Терісаққан ауылының НОМ қатысушылары иеленді.
«Батаның майталманы» номинациясымен Жапар Абдуррохим Сапарұлы әжесі Малдыбаева Айнагүл Құдайбергенқызы – Жақсы ауылының №1 ЖОББМ-нің қатысушылары;
«Көрермен көзайымы» номинациясымен -Шарапов Аркат әкесі Смагулов Айдархан Шарапович- Жаңа Қима ауылының Ғ.Әбдірахманов атындағы ЖОББМ-нің қатысушылары

 «Сөз асылының жүйрігі» номинациясымен- Рысқали Мейіржан ағасы Сейтенов Асылан Ғабдоллаұлымен – Белағаш ауылының ЖОББМ-нің қатысушылары;

«Ақ бата-асыл мұра» номинациясымен Додай Серікбол атасы Додай Арша- Жақсы ауылының №2 ЖОББМ-нің қатысушылары марапатталды.