Жақсы ауданынан 19 оқушы қараша айының 1-2-сі күндері Астана қаласына «Көшбасшы жолы» мектеп турына барып келді. Аталмыш іс-шара Қазақстан Республикасы Тұңғыш Президенті – Елбасының Қоры мен «Kazakh Tourism» ұлттық компаниясы» акционерлік қоғамының қолдауымен ұйымдастырылды. Астанада оқушыларға Қазақстан Республикасы Тұңғыш Президенті – Елбасының мұражайы, қоры мен кітапханасы, Бейбітшілік пен келісім сарайы, «Астана – Бәйтерек» монументі және Назарбаев Университеті көрсетілді. Турға Алматы, Ақмола, Жамбыл, Қарағанды, Павлодар және Оңтүстік Қазақстан облысының 13 – 17 жас аралығындағы 480 үздік оқушылары қатысты.Іс-шараның мақсаты мектеп оқушыларының ой-өрісін кеңейтіп, қызығушылығын арттыру, әрі балаларды жақсы оқып, белсенді болуға қосымша ынталандыру.